Səudiyyə Ərəbistanı Suriyanın borcunu ödəyəcək

news/2025_04_14/839601_src_1744642481.jpg

DÜNYA

277

14.04.2025, 19:11

Səudiyyə Ərəbistanı Suriyanın Dünya Bankına olan borclarını ödəməyi planlaşdırır.

Oxu24.com xəbər verir ki, bu barədə Reuters məsələ ilə bağlı üç mənbəyə istinadən məlumat yayıb.

Suriyanın təşkilata təxminən 15 milyon dollar borcu var ki, bu da bankın uzunmüddətli vətəndaş müharibəsindən əziyyət çəkən ölkənin yenidən qurulmasına və digər yardım formalarına kömək etmək üçün qrantları təsdiqləməzdən əvvəl ödənilməlidir.

İki mənbə bildirir ki, Suriyanın yeni hakimiyyət orqanları xarici valyuta qıtlığı yaşayır və xaricdəki dondurulmuş aktivlərdən istifadə etməklə borcların ödənilməsi üçün əvvəllər hazırlanmış plan həyata keçirilməyib. Reuters mənbələri onu da bildirir ki, Dünya Bankının nümayəndələri artıq ölkənin elektrik şəbəkəsinin bərpası və dövlət sektorunda çalışan işçilərin maaşlarının ödənilməsinə dəstək üçün maliyyə ayrılmasını müzakirə ediblər.

Həmçinin oxuyun

Nişanlı olan şəhid mayorun saatı 9 ay sonra haradan tapıldı? -Tükürpədici hadisə

Nərgiz Cəlilova hansı generalın xanımıdır? - Diktorun maraqlı HƏYATI

Azərbaycanda qadın sənətçi buna görə həbs olunubmuş — Sui-qəsd ittihamı (VİDEO)

Maşın almaq istəyənlərə VACİB XƏBƏR: Bazardan son qiymətlər +VİDEO

Aprelin sonunda Suriya nümayəndə heyəti Dünya Bankı və Beynəlxalq Valyuta Fondunun (BVF) illik toplantılarına qatılmaq üçün Vaşinqtona səfər edəcək. Bu, ötən ilin dekabrında Bəşər Əsəd rejiminin devrilməsindən sonra Suriya rəsmilərinin ABŞ-a ilk rəsmi səfəri olacaq. Əvvəlki hökumət dövründə ABŞ-ın Suriyaya tətbiq etdiyi demək olar ki, bütün sanksiyalar qüvvədə qalır.

Səudiyyə Ərəbistanı ilk dəfə olaraq Suriyanın yeni hakimiyyət orqanlarına maliyyə yardımı göstərməyə hazır olduğunu bildirib, Reuters qeyd edir. Səudiyyə Ərəbistanı Maliyyə Nazirliyinin nümayəndəsi Ər-Riyadın Suriya borclarını ödəmək planları ilə bağlı məlumatı nə təsdiq, nə də təkzib edib.

Miri